Meðalskuld fyrirtækis og heimilis

Verðbólgumælingin er vafasamur mælikvarði sem er hugsanlega að stórskaða bæði heimilin og fyrirtækin.  Það er tæknilega séð ekkert því til fyrirstöðu að beinstengja kassakerfin og ná fram rauntímakvörðum sem stilla saman hvað er verslað og á hvaða verði.  VNV inniheldur vörur sem eru lítið keyptar eins og er en setja verðbólgu mun hærra en hún í raun og veru er.  Ég er á þeirri skoðun að sé tekin inn neyslubreyting sé verðbólga innan við 15%.

Var svo að skoða skuldahlutfall milli Innistæða og Lána heimila og fyrirtækja.  Séu heildarinnistæður heimila og banka dregnar frá heildarlánum (og þá lán/innistæðu til þess að ná fram hlutfallinu) var staðan svona í desember 2003:

• Heimili: -84 ma (mínus táknar að innistæður voru umfram skuldir); skuldahlutfall 69,0
• Fyrirtæki: 458 ma; skuldahlutfall 472,3%

Í september 2008,var staðan orðin þessi:

• Heimili: 369 ma; skuldahlutfall 155,9%
• Fyrirtæki: 1,720 ma; skuldahlutfall 749,3%

Séu verðtryggð lán skoðuð, er staðan þessi í desember 2003:

• Heimili: -8 ma; skuldahlutfall 92,0
• Fyrirtæki: 93 ma; skuldahlutfall 546,3%

Í september 2008,var staðan orðin þessi:

• Heimili: 502 ma; skuldahlutfall 508,0%
• Fyrirtæki: 164 ma; skuldahlutfall 696,9%

Svo koma hin ógnvænlegu gjaldmiðlalán. Desember 2003:

• Heimili: -1 ma; skuldahlutfall 89,5%
• Fyrirtæki: 304 ma; skuldahlutfall 1629,8%

Í september 2008 er staðan svo orðin þessi (og hvernig eigi að koma í veg fyrir fjöldagjaldþrot og met atvinnuleysi verður ekki auðvelt):

• Heimili: 239 ma; skuldahlutfall 825,9%
• Fyrirtæki: 1,408 ma; skuldahlutfall 4578,8%!!!

Úttektina ásamt gröfum má nálgast hér: Leverage.pdf

Að lokum: Hugmyndir Framsóknar um 20% niðurfellingu á skuldum er alveg út úr kortinu.  Sé þetta gert, eiga þeir sem bera önnur lán rétt á hinu sama, s.s. námsmenn á LÍN lánum.  Þeir sem skulda svo ekkert eiga kröfu að fá meðalupphæð greidda beint inn á eigin reikning.  Sanngirnis verður að gæta í svona aðgerðum, en nái þessi þvæla fram að ganga leggst hagkerfið endanlega á hliðina.

Ástæðulaust að bíða með afnám verðtryggingar

Athugasemdir

[Steinn Hafliðason, 2.3.2009 kl. 10:24]

Tek undir með þér, ef verðbólgumælingin á að vera rétt verður að vera samræmi milli neyslu og verðs þannig að verðbólgan sé að mæla það sem er verið að neyta í raun. Í árferði sem nú geysar hefur neyslan breyst ótrúlega mikið á skömmum tíma, verð á nýjum bílum og húsnæði ætti t.d. að hafa mun minna vægi nú en áður þ.s. neysla þeirra er í algjöru lágmarki.

[eysi, 2.3.2009 kl. 22:09]

Inflation is expansion of money supply. Sem þýðir á íslensku að ef aukning peninga í umferð en verðmæti aukast ekki, þá kallast það verðbólga.

Best er að sjá þetta á grafi sem að er kallað M3 sem tekur saman heildar peningamagn í umferð, væri gott að þú myndir finna það einhverstaðar fyrir Ísland af því að ég finn það ekki.

[Snorri Hrafn Guðmundsson, 3.3.2009 kl. 16:59]

Peningamagn og sparifé (M3) / Broad money 3

Peningamagnið í september 2008 var 1.426 ma. og verðbólga 14,0%.  Í September 2007 var M3 1.167 ma en verðbólga 4,2%.